КӘЗӘ ЕЛӘН ТЕКТЕРӘ

КӘЗӘ ЕЛӘН ТЕКТЕРӘ

Әптелхәй ҙә еләнле,

Әптелгән дә еләнле,

Кәзә тора аптырап,

Өшөп дер-дер ҡалтырап.

Оҙаҡ тормай баш ватып,

Баҙарҙа ҡатыҡ һатып,

Әҙ-мәҙ йыйған, ти, аҡса,

Саҡ үлмәгән, ти, асҡа.

Шунан киткән баҙарға,

Тауар-маҙар барларға.

Бар туҡыма күк, һары,

Илле һум, ти, ни бары.

Кәрәк, ти, һигеҙ метр,

Бар аҡсаһын күрһәтеп,

Үҙ буй-һынын үлсәтеп,

Алмаҡ туҡыма һатып.

Һелкетеп ҙур һаҡалын,

Йыйып барлыҡ аҡылын,

Урай-урай баҡсаһын

Иҫәпләй, ти, аҡсаһын.

Йөрөй һаҡал һелкетеп,

— Уйла, Кәзә, ти, уйла,

Илле мәртәбә һигеҙ

Әйтсе, нисә һум була?