Тәрбиә

Тәрбиә

-Ҙурайғас, космонавт булам!

-Мин таксист!

-Мин бейеүсе!

-Мин тегеүсе!

-Ә мин – модель!

Һин теккәнде кейеүсе!

-Мин Спайдермен!

-Ә мин Бэтмен!

-Гарри Поттер! – ти берәү.

-Һиии, ә мин – Халк! – тиеп Азат

Күкрәк киреп ебәрә.

Тәрбиәсе йылмая:

-Кем

Башҡорт батыры була?

Салауат, Муса Гәрәев,

Шайморатовтай улан?

Урал батырҙың янында

Спайдермен – бер үрмәксе.

Уны өҫтөн итеп булмай

Башҡаларҙан күрмәксе.

-Мин булам! Мин! Урал батыр!

Мин донъяны ҡотҡарам!

Шулай батыр тәрбиәләнә,

Балаларға ҡот бара.