Тумыртҡа
Баҫылды : 21-08-2015, 08:59 | Категория: Хайуандар илендә / Ҡоштар
Просмотров 1 164
- "Аҡбуҙат"та баҫылған:08-2015
- Рубрика:Хайуандар илендә / Ҡоштар
- Исеме:Тумыртҡа
- Автор:Сәғит ФӘЙЗУЛЛИН
- Район:
- Ауыл:
- Рәссам:Майя Ҡәйүмова
Тумыртҡа
(Әкиәт)
Борон – борон заманда бер урманда йәшәгән, ти, матур ғына ҡош. Ағастан – ағасҡа осоп йөрөргә яратҡан ул. Йәй көндәре ашарға табыуы еңел булһа ла, ҡышын бик ауыр булған. Шундай ваҡытта ағастар ярҙамға килгән, ти.
— Минең яныма кил, - тип саҡырғандар уны. Ә ул бик тәртипле ҡош булған, ти. Рөхсәт һорап, суҡышы менән туҡылдата икән.
— Бик тә аҡыллы ҡош, әйҙә рәхим ит! – тип уға ашарға тәҡдим иткәндәр. Ә ул үҙ сиратында рәхмәт йөҙөнән ағастарҙы шулай ҡоротҡостарҙан һаҡлаған, ти. Урманда туҡ – туҡ тигән тауыш ишеткәнегеҙ бармы? Ана шулай ул туҡылдатып йөрөй. Уны санитар ҡош тип тә әйтәләр. Ағастар уға килешле итеп тумыртҡа тигән исем биргәндәр.
Сәғит ФӘЙЗУЛЛИН.
"Аленушка” балалар баҡсаһы, Сибай ҡалаһы.
(голосов:0)
Оҡшаш материал
{related-news}
Комментарийҙар