Ағиҙелдең бәләкәс сағы
Баҫылды : 7-10-2015, 11:44 | Категория: Алтын бишек / Тыуған илем
Просмотров 690
- "Аҡбуҙат"та баҫылған:10-2015
- Рубрика:Алтын бишек / Тыуған илем
- Исеме:Ағиҙелдең бәләкәс сағы
- Автор:Гүзәл ҒӘЛИЕВА
- Район:
- Ауыл:
- Рәссам:
Гүзәл ҒӘЛИЕВА
Ағиҙелдең бәләкәс сағы
Баш ҡалабыҙ, аҡ ҡалабыҙ –
Өфө гөрләп торған тауға
Тулҡындарын ҡаға-ҡаға,
Ҙур Ағиҙел ғорур аға.
Һеҙҙең бармы күргәнегеҙ
Ағиҙелдең тыуған яғын,
Сылтыр-сылтыр йырлап сапҡан
Уның иң-иң кескәй сағын?
Ирәмәлдең ҡуйынынан
Сыға бит ул яҡты көнгә,
Матур йырын, йомшаҡ һыуын
Бүләк итә тирә-йүнгә.
Балаларҙың сәсе бөҙрә
Уның йомшаҡ һыуҙарынан.
Йырын отам, тиеп, талдар
Йүгерә яр буйҙарынан.
Кескәй Иҙел ашыға
Тиҙерәк үҫеп етергә,
Тиҙерәк үҫеп етергә,
Илгә хеҙмәт итергә.
(голосов:0)
Оҡшаш материал
{related-news}
Комментарийҙар