ӘНИСӘ — МУЗЫКАНТ

ӘНИСӘ — МУЗЫКАНТ

"Мандолина уйнайым”, — ти Әнисә,

Таҡмағын да әйтеп тора үҙенсә,

Сиртә генә бер туҡтамай ҡылдарҙы:

"Бейетәм, — ти, — бөтә иптәш ҡыҙҙарҙы”.

Зәйнәп әйтә: "Бейер инем мин дә, — ти, —

Бейеп булмай ике төрлө көйгә, — ти, —

Мандолинды бер төрлөгә сиртәһең,

Ә көйөңдө башҡа итеп әйтәһең”.

Әнисә һис аптырамай яуапҡа:

"Уйнайым да йырлайым да, эйе, — ти, —

Бына тағы "Ҡарабай”ҙы уйнайым,

Ҡыпаланма, бейей белһәң, бейе”, — ти.