МИН — УҠЫУСЫ!

МИН — УҠЫУСЫ!

Һаумы, мәктәп! Еҙ ҡыңғырау!

Һаумы-һаумы, уҡытыусым!

Әлифбамды тотоп ҡулға

Ғорурланам! Мин уҡыусы!

Бөгөн башлап беренсегә

Асам мәктәп ишеген.

Тырышырмын мин уҡырға

Етәкләп гел "биш”лене.

Танышырмын хәреф менән,

Ижектәрҙе көйләрмен.

Тыуған илдә — туған телдә

Шиғырҙар мин һөйләрмен.

Матур яҙыу дәресендә

Хәрефтәрҙе теҙермен.

Бүлеп, алып, мәсьәләнең

Яуаптарын эҙләрмен.

Белем тигән данлы тауҙың

Үрҙәренә менермен.

Уҡытыусы һөнәренең

Серҙәренә төшөрмен!