ӨЛӨШЛӨ БӘЛЕШ
Просмотров 871
- "Аҡбуҙат"та баҫылған:09-2015
- Рубрика:Авторҙар / Тәмлекәс / Минең ғаиләм
- Исеме:ӨЛӨШЛӨ БӘЛЕШ
- Автор:Зөбәйҙә ИСЛАМОВА
- Район:
- Ауыл:
- Рәссам:Азамат Ғарипов
Зөбәйҙә ИСЛАМОВА
ӨЛӨШЛӨ БӘЛЕШ
Тыуған көнөмә минең
Әсәй бешергән бәлеш.
Бер кемде онотмаған,
Сығарған тигеҙ өлөш.
"Сәскәләр” менән биҙәлгән,
Уртала шәмдәр яна,
Миңә нисә йәш икәнен,
Әйтмәйем, үҙең һана.
Өс өлөш беҙгә — ҡыҙҙарға,
Икәү — атай-әсәйҙә,
Һеңлемә лә, ҡустыма ла
Берәр эләкте сәйгә.
Игеҙәктәр Айгиз, Илгиз
Икешәрҙе алғандар,
Ә дуҫтары Дамир, Ғүмәр
"Ауыҙ асып” ҡалғандар.
Аптыраманы әсәйем,
Бирҙе өлөш дуҫтарға.
Аңламаным, ҡайҙан алған
Тағы өлөш уларға?
(голосов:0)
Оҡшаш материал
{related-news}
Комментарийҙар