ГӨЛ КЕҮЕК

ГӨЛ КЕҮЕК

Әсәй менән бөгөн иҙән йыуҙым,

Атайымдан күреп уҡ юндым.

Өҫтәл тулып тәмлекәстәр көтә,

Тор, ҡустым, тим, бөгөн һин тыуҙың!

Арҡабыҙҙан һөйә өләсәйем,

Һәр көнөм, ти байрам көн кеүек,

Ғаиләбеҙ татыу, бигерәк матур,

Сәскә атып торған гөл кеүек.

Атай-әсәй беҙҙе һәр саҡ маҡтай,

Киләсәгем, ти, күҙ нурҙарым!

Башҡортостандың, ти, бөркөттәре,

Батыр булыр минең улдарым!

Фәниә ҺӨЙӘРЕМБӘТОВА.

Салауат ҡалаһы.