Аквариум/Ринат Сөләймәнов
Баҫылды : 6-09-2013, 17:23 | Категория: Ҡыш / Йыл миҙгелдәре
Просмотров 1 226
- "Аҡбуҙат"та баҫылған:
- Рубрика:Ҡыш / Йыл миҙгелдәре
- Исеме:Аквариум
- Автор:Ринат Сөләймәнов
- Район:
- Ауыл:
- Рәссам:
Алда булғас ҙур теләк,
Ҡулдарға алдыҡ көрәк.
Каток яһарға булдыҡ
Һыу буйында бергәләп.
Мамыҡтай ап-аҡ ҡарҙы
Күмәкләшеп көрәнек.
Ҡустылар ҡырҙан ғына
Ҡарап тора өйрәнеп.
Һөт төҫөндәй аҡ ҡына
Тун ябылған боҙ өҫтө
Яп-ялтыр булып ҡалды
Тылсымлы көҙгө төҫлө.
Шатланышып конькиҙа
Шыуып йөрөй балалар.
Боҙ аҫтында балыҡтар
Морон төртөп алалар.
Балыҡтар иркен итеп
Һулыш алһындар тиеп,
Ситкә бәләкәй генә
Бер мәке ҡуйҙыҡ уйып.
Эшебеҙ бик уң булды,
Шатланам әле шуға.
Аквариум өҫтөндә
Балалар коньки шыуа.
(голосов:0)
Оҡшаш материал
{related-news}
Комментарийҙар