Будильник

 

 

Рауил Сәхиулла улы Шамммасов Стәрлебаш районының Хәлекәй ауылында 1930 йылда тыуған. Уҡытыусы ла, журналис та, нәшерсе лә булып эшләгән. Өлкәндәр өсөн дә, балалар өсөн дә күп китаптар авторы ул. Башҡортостандың атҡаҙанған мәҙәниәт хеҙмәткәре.

Рауил олатайығыҙға, 85 йәше менән ҡотлап, ныҡлы һаулыҡ, илһам теләйек!

Рауил ШАММАС

Будильник

Эй, будильник, будильник,

Талапсанһың шул һин бик.

Әсәй кеүек әйтәһең,

Тәртипкә өйрәтәһең:

«Йоҡо тамаҡ туйҙырмай,

Ваҡытында тор, – тиһең, –

Эшеңде лә, уйыңды ла

Һәр саҡ белеп тор», – тиһең.

Тыңлайым әсәйҙе лә,

Тыңлайым мин һине лә.

Тура ҡарап күҙеңә,

Рәхмәт әйтәм үҙеңә.