Бармаҡ уйындары

Бармаҡ уйындары менән баланың телмәр үҫеше араһында уртаҡлыҡ барлығы күптән иҫбатланған. Сабый менән башта "бутҡа бешереп”, һуңынан төрлө ваҡ әйберҙәрҙе сүпләп уйнағанда, конструкторҙың бәләкәс өлөштәрен йыйғанда. Уның моторикаһы үҫешә, тимәк, теле лә иртә асыла.

Ҡарға килгән — ҡаҙан аҫҡан,
Сыпсыҡ килгән — бәрәңге әрсегән,
Торна килгән — ҡамыр баҫҡан.
Бутыр-бутыр аш бешкән.
Сыйырсыҡ килгән — аш бушатҡан,
Төйлөгән килгән — бүлгән,
Быға (баш бармаҡҡа) биргән,
Быға (имән бармаҡҡа) биргән,
Быға (урта бармаҡҡа) биргән,
Быға (сығанаҡ бармаҡҡа) биргән,
Ә быға (сәтәкәй бармаҡҡа) бирмәй ҡалдырған.
Кетер, кетер, кетер,
Ҡаҙан төбөн кимер…