БАЛАСАҠ УТРАУЫ/Лариса Абдуллина
Баҫылды : 9-09-2013, 14:44 | Категория: Журнал тураһында / Авторҙар
Просмотров 2 431
- "Аҡбуҙат"та баҫылған:08-2013
- Рубрика:Журнал тураһында / Авторҙар
- Исеме:БАЛАСАҠ УТРАУЫ
- Автор:Лариса Абдуллина
- Район:
- Ауыл:
- Рәссам:Виктория Гаптарь
Баласаҡтың утрауына –
Килегеҙ беҙгә, дуҫтар!
Сәпәкәйле уйнағанда
Тоташһын йылы устар!
Беҙҙә гөлдәр сәскә ата,
Йыл буйы ҡояш көлә.
Йәйен-ҡышын, һәр бер миҙгел
Күстәнәс тейәп килә.
Беҙҙә сағыу йәнһүрәттәр,
Һөйләшә бар йәнлектәр.
Улар бала саҡ иленең
Хужалары кеүектәр.
Шишмәләр мәҡәлдәр әйтә,
Көләмәс һөйләй йылға.
Ҡара урман эстәренә
Барса әкиәт тулған.
Һиңә һуҙам ҡулдарымды,
Һин минең ҡулға тотон!
Ете диңгеҙҙә һүнмәһен
Беҙҙең дуҫлыҡтың уты!
Ете тауҙы аша сыҡһын
Тәрән дуҫлыҡтың ҡото!
(голосов:5)
Оҡшаш материал
{related-news}
Комментарийҙар