Яҙғы шатлыҡ
Баҫылды : 20-08-2016, 09:44 | Категория: Йыл миҙгелдәре / Яҙ
Просмотров 665
- "Аҡбуҙат"та баҫылған:05-2016
- Рубрика:Йыл миҙгелдәре / Яҙ
- Исеме:
- Автор:Рәмзилә ХИСАМЕТДИНОВА
- Район:
- Ауыл:
- Рәссам:Майя ҠӘЙҮМОВА
Яҙғы шатлыҡ
Рәмзилә ХИСАМЕТДИНОВА
Күперә муйыл күбеге,
Бешелгән ҡымыҙ кеүек,
Эргәһендә бал ҡорттары
Выжылдай ҡумыҙ кеүек.
Иҫертә муйыл күбеге —
Еҫе һыймай донъяға…
Үтә шым суфый еректең
Күҙҙәренән нур аға.
Аңҡы-тиңке,
Аңҡы-тиңке,
Килә яҙын әрәмә.
Көпә-көндөҙ көн нурында
Күҙ алдары бәйләнә.
Күперә муйыл күбеге,
Йәш үләнгә түгелә…
Быуындарҙың хәлен ала,
Йәш үләнгә сүгелә.
Уфылдап ауыр һулама,
Тының да тойолмаһын.
Өрпәк сәскә — өркәк сәскә
Тышыңдан ҡойолмаһын!
— Шаҡыр, шыҡыр, һайыҫҡан!
Ҡайҙан килдең?
— Яйыҡтан.
— Яйыҡ ҡайҙа?
— Ярында.
— Яры ҡайҙа?
— Янымда.
— Шаҡыр, шыҡыр, һайыҫҡан!
Килмәнең бит Яйыҡтан.
Йомортҡаһын тауыҡтың
Һағаланың ярыҡтан.
Рәссам Майя ҠӘЙҮМОВА
(голосов:0)
Оҡшаш материал
{related-news}
Комментарийҙар
© 2011 Все права защищены.
При копировании материалов, активная ссылка на сайт обязательна.
АКБУЗАТ ОНЛАЙН
