Тәбиғәтте һаҡлайыҡ

Баҫылды : 29-08-2016, 12:26 | Категория: Тылсымлы һандыҡ / Әкиәттәр

Просмотров 1 627

"Аҡбуҙат"та баҫылған:07-2016

Рубрика:Тылсымлы һандыҡ / Әкиәттәр

Исеме:

Автор:Айгөл СӨЛӘЙМӘНОВА

Район:Бөрйән районы

Ауыл:Әбделмәмбәт ауылы

Рәссам:Ирина ӘХМӘҘУЛЛИНА

Тәбиғәтте һаҡлайыҡ

(Әкиәт)

Мөғжизәле әкиәт урманы үҫемлектәргә, ҡош-ҡорттарға, йәнлекянуарға бик бай булған, ти. Ситтәрәк аҡҡан шишмәнең дә һыуы бик тәмле һәм файҙалы икән. Йәйге кистә йәнлектәр, ҡоштар йыйылышып, иртәгеһе көн тураһында кәңәшләшә. Ҡарлуғас былай тип әйтә:

— Иртәгә күңелле булмаҡсы, — тигән, ти, ҡуян һикерәңләп. Таң да ата. Йәнлектәр үҙ эштәренә тотона: тейендәр ағастанағасҡа һикерешеп сәтләүек йыя, айыу менән бүре ниҙер әтмәләй, ҡоштар сыр-сыу килеп һайрай.

Балаларҙың көлөшкән, сырылдашҡан тауыштары ишетелә. Тейендәр һикерешеп ҡаршыларға сабалар. Балалар көн оҙоно урманда булалар. Эңер төшә башлағас ҡына ҡайтыр яҡҡа ыңғайлайҙар, сөнки көн болотлап, ямғыр яуыр кеүек була.

Йәнлектәргә, ҡоштарға ла ояларына ҡайтышыр ваҡыт етә. Улар таралыша башлай. Әммә ни күҙҙәре менән күрһендәр: унда-бында сүп-сар ята, матур-матур сәскәләр ҙә юҡҡа сыҡҡан, үләндәр тапалған.

— Кем эше был? — тип ҡаты тауыш менән яу һала айыу. Бөтәһе лә аптырауға ҡала. Сөнки был урман, балалар килмәҫтән алда, бик матур ине.

— Эх, йүнһеҙҙәр! Тәбиғәт — беҙҙең изге йортобоҙ. Беҙ уларҙы, изге күңелле балалар икән, тип, урманға индерҙек, ә улар йәнлектәргә, ҡоштарға зыян килтергән, — тип айыу йәнә үкереп ебәргән.

Күп тә үтмәй, йәшенле ямғыр башлана. Урмандан ҡайтып килеүсе балалар ҡайтып өлгөрмәгән, ямғырға эләгеп, һыуланышып ағас ышығына йәшенгән. Күк тә көйөнгәндер, күрәһең, уларҙың ҡылығына. Дуҫтар, тәбиғәтте һаҡлайыҡ. Тәбиғәт — беҙҙең изге йорт, беҙ уны һаҡларға бурыслыбыҙ!

Айгөл СӨЛӘЙМӘНОВА. Бөрйән районы Әбделмәмбәт ауылы

Рәссам Ирина ӘХМӘҘУЛЛИНА