ХӘЙЛӘКӘР ТӨЛКӨ

Ғайсар Ҡансурин «Бәпембә» II Республика балалар шиғриәте фестивале лауреаты. Ул Ейәнсура районы Байыш ауылынан. Рәми Ғарипов исемендәге 1-се Башҡорт республика гимназияинтернатында уҡый.

 

 

Һунарсы, мәхшәрҙе күргәс,

Тотонған, ти, башына.

"Төлкө бикле, тағы кем

Тауығымды ашаған?”

 

Эй шатланып, эй ҡыуанып

Сапҡан, ти, шуға табан.

Инде ҡаптым, тигәнендә

Күк йөҙө ергә ауған.

Ҡурҡышынан сытырлатып

Күҙҙәрен йомған ерән.

Ә асҡанда инде үҙен

Оло ҡапҡанда күргән.

 

 

Борон-борон заманда

Төпкөл ҡара урманда

Йәшәгән, ти, бер төлкө —

Торғаны менән көлкө.

 

Ә төлкөгә шул кәрәк тә —

Тороп сапҡан йүгереп,

Алдын-артын ҡарамайса,

Бәхетенән илереп.

 

Шулай итеп ерән төлкө

Хәйлә менән алдырған.

Бер ҡатлы һунарсы шулай

Төп башына ултырған.

 

 

Шуны ғына көтөп торған

Һунарсы килеп еткән.

Төлкөнө һалып елкәгә,

Өйөнә ҡайтып киткән.

 

Һимеҙ-һимеҙ тауыҡтарҙың

Башына еткән төлкө.

Таң атыуға ситлегенә

Килеп ауған көс-хәлгә.

 

 

Быны күреп, аптыраштан

Һунарсыбыҙ шаҡ ҡатҡан.

Үлде, тип уйлап, ерәнде

Сүплеккә барып атҡан.

 

Елкәһендә уның гел

Хәйлә тоҡсайы торған.

Кемде нисек алдарға, тип

Ул һәр саҡ хәйлә ҡорған.

 

Ҡайһы саҡ хәйләкәрлек

Ярҙам да иткәне бар.

Төлкө менән булған хәлде

Һөйләп китәйем, дуҫтар.

 

 

Хоҙай уға ҡотолоу юлын

Уйламаҫ ерҙән биргән.

Ҡаҙыған юлы уның

Кетәккә алып килгән.

 

Аҙбарҙа ул төлкөнө

Япҡан оло ситлеккә.

Ә ситлеге хәтәр ныҡ, ти,

Сығам, тимә, иреккә.

 

Эй ҡайғырған Ерәнбай,

Үкереп тороп илаған.

Иректә йәшәгән көнөн,

Күрәһең, ныҡ һағынған.

 

 

 Бер саҡ шулай был ерән дуҫ

Йыйынған, ти, һунарға,

Өс көн, өс төн ашамаған

Хәле булмаған шуға.

 

Саҡ һөйрәлеп йөрөй торғас,

Ни күрһен, ти, күҙҙәре:

Ҙур аҡландың уртаһында

Ята ҙур ит киҫәге!

 

Ә туҡ төлкө был ваҡытта

Йоҡлай икән үлгәндәй.

Һунарсы төртөп ҡараһа,

Бер ниндәй тауыш бирмәй.

 

 

 

 Бишенсе көн ҡарай төлкө

Һунарсы ситлегенән.

Нисек ҡасып ҡотолорға

Белмәй, ти, был бәләнән?

 

"Хәйлә менән хәл итмәйсә

Булмаҫ инде был хәлде.”

Шулай үҙенсә план ҡора,

 

Аңдый ул ыңғай мәлде.

Ләкин һунарсы ҡулынан

Ҡотолоу — уйын эшме.

Күп уйлағас, ситлек төбөн

Ҡаҙырға ул кереште.