ТӘБИҒӘТ ҠОМАРТҠЫЛАРЫ

Салауат районы

   Янғантау — планетала берҙән-бер янар тау. Ер аҫтынан туҡтауһыҙ йылылыҡ сығарып ятыусы бындай тау башҡа бер ҡайҙа ла юҡ. Башҡорт халҡы ул тау хаҡында күптән белгән, дауаланыу өсөн дә файҙаланған. Ә фәнгә ул 1770 йылдың май айынан академик П.С. Паллас аша билдәле.

   Был тауҙа хәҙер «Янғантау» курорты эшләй. Янғантау шифаханаһы янында Ҡорғаҙаҡ йылғаһы аға. Был шишмә ҡышын да туңмай. Ундағы һыуҙың температураһы йыл буйына 16-18 градус була. Һыуы бик шифалы, төрлө ауырыуҙарҙан дауа.