Сүллек карабы
Просмотров 687
- "Аҡбуҙат"та баҫылған:11-2016
- Рубрика:Авторҙар / Хайуандар илендә / Йорт хайуандары
- Исеме:
- Автор:Зөбәйҙә Исламова
- Район:
- Ауыл:
- Рәссам:Артур Василов
Зөбәйҙә Исламова
СҮЛЛЕК КАРАБЫ
Көнсығышта, бик алыҫта,
Сүллектә йәшәй дөйә,
Унда тора эҫе селлә —
Ҡояштан үлән көйә.
Ә дөйә һис аптырамай,
Ҡурҡмай сағыу ҡояштан,
Табаны ла бешмәй ҡомдан
Гүйә, уйылған таштан.
Һағыҙын сәйнәй-сәйнәй,
Ал телен шарҙай өрә,
Абай булмаһаң әгәр,
Төкөрә лә — көлдөрә.
Үркәсенә йөкмәп алып
Ташый йөк-йөк сумаҙан.
Аҙаштырмай барып етә,
Уйнаһа ла ҡом-туҙан.
Каруандарҙа дөйә—
"Йөҙә” һыуһыҙ араны.
Сыҙамлы ла, ғәйрәт көслө —
Ул сүллектең карабы!
(голосов:0)
Оҡшаш материал
{related-news}
Комментарийҙар