Маймыл тураһында беләһеңме?

Маймыл үҙен төрлө эре япраҡлы ағастар үҫкән ҡуйы урманда иркен тота. Улар Америка, Африка, Һиндостан, Азия илдәрендә күпләп таралған. Арҡан кеүек үҫкән лиана ботаҡтарына оҙон ҡулдары менән йәбешә лә ағастан-ағасҡа еңел генә һикереп йөрөй ала. Иң яратҡан ризығы — банан, кокос. Ас сағында үләндәр, япраҡтар, бөжәктәр менән дә туҡлана.

Маҡтансыҡ, ырғалаҡ һәм ләпелдәк маймылды дошмандары — юлбарыҫ, арыҫлан яратмай. Йылғыр, маһайыусан был затты күреү менән баҫтыра башлайҙар. Тик ҡойроғон ғына күреп ҡалалар. Маймылдың аҡылы, сослоғо ҡойроғонда, тип, бушҡа ғына әйтмәйҙәр. Ҡылансыҡ булһа ла бик аҡыллы ул. Күрше йәшәгән гиббон, шимпанзе, макакалар дуҫ йәшәй.