Ҡар бабай яһаныҡ
Просмотров 920
- "Аҡбуҙат"та баҫылған:12-2016
- Рубрика:Яңы йыл / Авторҙар / Исемдәр/Имена
- Исеме:
- Автор:Фәрзәнә ҒӨБӘЙҘУЛЛИНА
- Район:
- Ауыл:
- Рәссам:Майя Зыяи
Фәрзәнә ҒӨБӘЙҘУЛЛИНА
Ҡар бабай яһаныҡ
Ҡырпаҡ ҡар яуа тышта,
Эшкә тотондоҡ күмәк,
Беҙ ҡар бабай яһаныҡ,
Уға кейҙерҙек күнәк.
Күҙҙәре – ҡара күмер,
Танауы – һары кишер,
Ҡултығында һепертке-
Ҡарыңды үҙең һепер!
Ике көндән ҡараһаҡ:
Һары танауы туңған,
Кишер танау осона
Бер турғай килеп ҡунған.
Танауҙы суҡый турғай,
Ул ныҡ асыҡҡан, буғай,
Ҡошсоҡҡа ярма һиптек,
Тик танау ҡалды китек.
Өр-яңынан танауҙы
Фәүкәт ағастан юнды.
Ағайым көлгән булды:
Бабай танауҙан уңды!
(голосов:0)
Оҡшаш материал
{related-news}
Комментарийҙар