Йондоҙсоҡтар

 

 

 

Кескәйҙәрҙе бала саҡтан уҡ башҡорт мәҙәниәте һәм йолалары менән таныштырыу бик мөһим. Илен, телен һөйөп үҫә бит улар. Бындай эш Өфө ҡалаһындағы 166-сы башҡорт балалар баҡсаһында бик уңышлы алып барыла. «Шәжәрә байрамы», «Ҡарға бутҡаһы» «Бәпес туйы», «Ҡаҙ өмәһе» кеүек башҡорт милли байрамдары йыш үтеп тора. Балалар һәр саҡ ҡыҙыҡһынып тамашаға әҙерләнә. Йолаларын белгән бала ысын шәхес булып өйрәнә. Шуға күрә ата-әсәләр тәрбиәселәргә, балалар баҡсаһы мөдиренә рәхмәт белдерә.

Айгөл ХЫЗЫРОВА,
«Йондоҙсоҡтар» төркөмөнөң
тәрбиәсеһе.