«ЭНӘ, ЕП, ТӨЙӨН» УЙЫНЫ

Уйнаусылар араһынан Энә, Еп, Төйөн һайлана. Ҡалғандары буйға биш рәт, арҡылыға дүрт рәт булып теҙелеп баҫалар. Аралары ҡул оҙонлоғо самаһы булырға тейеш. Етәксенең бойороғо буйынса Энә, Еп, Төйөн бер-береһенән ҡалышмайынса ҡул аҫтынан, рәт, саф араларынан йүгерә. Баҫып тороусылар ҡулға-ҡул тотоноп торалар. Бер-бер артлы йүгереүселәрҙе боролоп оҙатып ҡалалар.
Уйындың тәртибе буйынса, энә, сафтар аша йүгереп, еп менән төйөндө бутап яңылыштырырға тырыша. Яңылышһалар, уйын туҡтала һәм икенсе төркөм уйнай башлай.
Сафта баҫып тороусылар уңға-һулға боролоп, йүгереүселәрҙе ҡыҙыҡһындырып, уйынды йәнләндереп торорға тейештәр. Мөҙәрис ДАЯНОВ әҙерләне.