Яҙғы йыр
Просмотров 808
- "Аҡбуҙат"та баҫылған:03-2017
- Исеме:Яҙғы йыр
- Автор:Миңлегөл Тайсина
- Район:
- Ауыл:
- Рәссам:Ирина Әхмәҙуллина
Миңлегөл Тайсина
Яҙғы йыр
Яҙ ҡояшы һибә ергә
Йылы нурҙарын,Һабантурғай тирә күктән
Моңло йырҙарын.
Серле лә һуң, гүзәл дә һуң
Эх, яҙ айҙары.
Ҡыштар үткәс, шау-гөр килә
Еҙем буйҙары.
Гөрләүектәр һикерешеп
Уйнап туймайҙар,
Күк күлдәкле күбәләктәр
Кәләш туйлайҙар.
Яҙҙың тәүге сәскәләре
Наҙға ҡойона,
Шаян елдәр һырға таға
Зифа ҡайынға.
Бар тереклек, күҙен ҡыҫып,
Йылмайып ҡарай...
Яҙғы таңда Зөһрә йондоҙ
Сәстәрен тарай...
(голосов:0)
Оҡшаш материал
{related-news}
Комментарийҙар