Бейеүсе ҡыҙ

Баҫылды : 16-04-2017, 07:04 | Категория: Исемдәр/Имена / Минең ғаиләм

Просмотров 784

"Аҡбуҙат"та баҫылған:03-2017

Рубрика:Исемдәр/Имена / Минең ғаиләм

Исеме:Бейеүсе ҡыҙ

Автор:Сибәғәт РАХМАНҒОЛОВ

Район:

Ауыл:

Рәссам:Майя Ҡәйүмова

Сибәғәт РАХМАНҒОЛОВ

Бейеүсе ҡыҙ

Алһыу зыр килеп әйләнә, —
Бейергә өйрәткәндәр.
Һикерергә, өйөрөлөргә
Баҡсала күрһәткәндәр.
Ҡулдарымды былай ҡуйһам,
Мин аҡҡош булам, ти ҡыҙ.
Аяҡтарҙы тыпырҙатһам —
Күктәге яҡты йондоҙ.
Сабып сығып китһәм әгәр,
Мин булам инде болан.
Юрғалап ҡына йөрөһәм,
Булырмын, әсәй, ҡолон.
Аяҡтарын, ҡулдарын да,
Эй, Алһыу килештерә.
Сәхнәгә сығар ҙа ебәр
Тот та шул килеш кенә.