Ай нуры

Баҫылды : 3-06-2017, 13:57 | Категория: Тылсымлы һандыҡ / Бишек йырҙары

Просмотров 684

"Аҡбуҙат"та баҫылған:06-2017

Рубрика:Тылсымлы һандыҡ / Бишек йырҙары

Исеме:Ай нуры

Автор:Тамара ИСКӘНДӘРИӘ

Район:

Ауыл:

Рәссам:Әлфиә ШАФИҠОВА

«Әлли-бәлли-бәүкәйем,

Йоҡла, минең бәпәйем!..»

Белешмә:

Сабый бала көнөнә 15-17 сәғәт йоҡлай. Баланың төнгө йоҡоһо 11-13 сәғәт булырға тейеш.

Йоҡлағанда бәпәй үҫә, ҙурая. Беренсе айҙарында сабыйҙар көн менән төндө айырмай.

Балалар тыумаҫ борон уҡ төш күрә. Йоҡоһоҙлоҡ күреү һәм ишетеү һәләтенә зыян итә. Йоҡлар-йоҡламаҫ ятҡанда ла баланың мейеһе үҫешә. Кеше үҙ ғүмеренең 25 йылын йоҡлап үткәрә.

Тамара ИСКӘНДӘРИӘ

Ай нуры

Йоҡла, балам, күҙ алмам,
Айҙың яҡты нурында.
Керпек ҡаҡмай төн буйы
Әсәйең яндарыңда.
Бәлли-бәлли-бәү-бәү...
Сулпыларын сыңлатып
Йоҡо апайың килгән.
Сылтырлатып тәңкәһен,
Сәңгелдәгеңә элгән.
Бәлли-бәлли-бәү-бәү...
Ай, нурҙарын ҡыл итеп,
Моңло ҡумыҙын сиртеп,
Сихри балҡышын һибә,
Наҙлап битеңдән үбә.
Бәлли-бәлли-бәү-бәү...