«Һаумы, һаумы, әкиәт!»
Баҫылды : 13-06-2017, 17:02 | Категория: Яңылыҡтар
Просмотров 791
Өфөлә һигеҙенсе тапҡыр бөтә донъя халыҡтары әкиәттәрен яттан һөйләү буйынса «Һаумы, һаумы, әкиәт!» ҡала конкурсының гала-концерты үтте. Башҡорт, татар, урыҫ, үзбәк, ҡырғыҙ, дағстан, эскимос, албан, итальян әкиәттәре буйынса «Йәш әртистәр» араһында бәйге ойошторолдо. Улар һүҙ оҫталығында — тасуири һөйләүҙә, өндәрҙе дөрөҫ әйтеүҙә, маһирлыҡта, сәхнә һәм өҫ кейемдәре биҙәлешендә лә көс һынаны. Гран-приға 166-сы башҡорт балалар баҡсаһынан 3 йәшлек Нургиз Ғәлиәстанов лайыҡ булды. М. Исҡужин исемендәге 136-сы башҡорт лицейы уҡыусыһы Нурсилә Фазлетдинова, шулай уҡ 75-се «Аҡбуҙат» башҡорт балалар баҡсаһы һәм 122-се башҡорт гимназияһы уҡыусылары еңеүселәр тип табылды. Һәр бер конкурсант дипломға һәм төрлө бүләктәргә эйә булды.
Зөбәйҙә ИСЛАМОВА.
(голосов:0)
Оҡшаш материал
{related-news}
Комментарийҙар