Аҡбуҙ атым, елдереп кил Һин һәр саҡ алдарыма!

Ике йәштә ҡулдарыма
Алдым мин “Аҡбуҙат”ты.
Яратам бит ҡарарға
Һыйыр, һарыҡ һәм атты.
Азамат ағай төшөргән
Тауыҡтарҙы, ҡаҙҙарҙы,
Ағастарҙы, сәскәләрҙе,
Шаян малай, ҡыҙҙарҙы.
Һүрәттәргә һоҡланамын,
Әсәй уҡый әкиәт.
Оҡшай миңә йомаҡтар ҙа,
Мәҡәлдәр һәм хикәйә.
Мамыҡ башлы бәпембәне
Өрөп, елгә таратам.
Матур фотолары өсөн
“Бәпембә” не яратам.
“Аҡбуҙат” беҙгә килгәс тә,
Шатланамын. Мин беләм:
Өйрәтә ул күп нәмәгә
Булһын теләгең генә!
Һағынып көтөп аламын
Яратҡан журналымды.
Аҡбуҙ атым, елдереп кил
Һин һәр саҡ алдарыма!
Нәфисә САФИНА.
Өфө ҡалаһы.

Һүрәттә: Аделина МИРҒАЯЗОВА.
Өфө ҡалаһы.