Уңыш байрамы
Просмотров 902
«Аҡбуҙат» 166-сы башҡорт балалар баҡсаһына «Уңыш байрамына», йәғни «Көҙгө йәрминкә»гә юлланды. Йыр-моңло тамаша, һый-хөрмәт ҡунаҡтарҙың күңеленә хуш килде.
Һәләтлеләрҙән-һәләтле «Тамсыҡай»ҙар шиғыр һөйләп, йыр йырлап, хатта бейеп күңел асты. Ә «Күбәләктәр», «Ҡарлуғастар», «Йондоҙсоҡтар», «Ҡояшҡайҙар», «Бал ҡорттары» һәм башҡа төркөмдәр ата-әсәләре, олатай-өләсәйҙәре ярҙамында башҡарған ҡул эштәре, бешергән тәмлекәстәре менән уйнап-көлөп, һатыулашып сауҙа иттеләр.
Эйе, эйе, дуҫтарым! Тап шулай булды!
Бөгөн беҙҙең баҡсаға
Көҙ апай үҙе килгән.
Тырыз-тырыз тултырып,
Мул уңышын килтергән.
Ул бешергән бәлештәр,
Бауырһаҡтар, ләүештәр.
Алып килгән салаттар,
Ҡабаҡтарҙан — караптар,
Кәбеҫтәнән — парустар,
Бәрәңгенән — страустар!
Кишерҙәр иһә — төлкө,
Армыты— сәнскәк терпе!
Йүгерегеҙ тиҙерәк,
Тиҙерәк, етеҙерәк!
Бөгөн беҙҙә — йәрминкә!
Уңған төрлө йәшелсә,
Емеш-еләк, алмалар
Тултырығыҙ кәрзингә!
Зөбәйҙә ИСЛАМОВА
(голосов:0)
Оҡшаш материал
{related-news}
Комментарийҙар