Тоғро булайыҡ!

Баҫылды : 3-01-2018, 16:15 | Категория: Журнал тураһында / "Аҡбуҙат"ҡа бағышлана

Просмотров 903

"Аҡбуҙат"та баҫылған:12-2017

Рубрика:Журнал тураһында / "Аҡбуҙат"ҡа бағышлана

Исеме:Тоғро булайыҡ!

Автор:Тамара ИСКӘНДӘРИӘ-ЮЛДАШЕВА

Район:

Ауыл:

Рәссам:

Дуҫлыҡ, иптәшлек тойғоһо — йәшәйешебеҙҙәге иң саф, матур тойғо ул. Дуҫтар булғанда, һәр эш ырай. Ихласлыҡ, бер-береңә ихтирам күңелде үҫтерә, һәр төрлө ауырлыҡтарҙан ҡурсалай.

Балалар! Ата-әсәләр, уҡытыусылар һәм тәрбиәселәр! Беҙҙе һеҙҙең менән йылдар аша һыналған ысын дуҫлыҡ ептәре бәйләй. «Аҡбуҙат» журналы республикабыҙҙағы һәр өйгә илһам ҡанаттарында осоп килә. Ғаилә журналы, тип яратып алдыра уны күптәр. Йортобоҙҙа яҡтылыҡ, нур, йылылыҡ тағы ла артып китһен. Яңы йылда балалар атаәсәләрҙе гел ҡыуандырып торһон, ә өлкәндәр кескәйҙәрҙең күңелен, киләсәккә хыялдарын аңлаһын!
Еребеҙгә Эт йылы аяҡ баҫа, ти йондоҙнамә. Тимәк, тоғролоҡ, ихласлыҡ, хөрмәт һәм мөхәббәт йылы килә. Әйҙә, шулай булһын!
«Аҡбуҙат» журналы ла һеҙгә тоғролоғон һаҡлар. Бергә булайыҡ!
Тамара ИСКӘНДӘРИӘ-ЮЛДАШЕВА, баш мөхәррир.