Ҡайсы әхирәттәре
amira 4-01-2018, 08:23 557 ---Килешеп кенә эшләйҙәр,
Татыуҙар инде хәтәр –
Күлдәк-ыштандарҙы бесә
Егәрле әхирәттәр.
Бесәләр улар плащтар ҙа,
Яңы йылға костюмдар.
Шулай ҙа айырылмаҫ
Дуҫ булыр һуң, йә, кемдәр?
— Эштерек-эштерек!
Киҫәбеҙ ебәк
Туҡыма.
— Шуҡ-шуҡ! Шуҡ-шуҡ! –
Тотабыҙ сатин
Шуҡ ҡына.
Үтә дүшәмбе –
Киҫәбеҙ.
Үтә шишәмбе –
Бесәбеҙ!
Етә шаршамбы –
Һал буйға,
Һалма рәт!
Шулай ҙа айырылмаҫ
Дуҫ булыр һуң, йә, кемдәр?
— Эштерек-эштерек!
Киҫәбеҙ ебәк
Туҡыма.
— Шуҡ-шуҡ! Шуҡ-шуҡ! –
Тотабыҙ сатин
Шуҡ ҡына.
Үтә дүшәмбе –
Киҫәбеҙ.
Үтә шишәмбе –
Бесәбеҙ!
Етә шаршамбы –
Һал буйға,
Һалма рәт!
Һин эре сирттермә,
Әхирәт!— Мин бесәм күлдәкте!
Мин бесәм салбарҙы!
Ҡыҫылма, мин үҙем
Иң шәбе, айбарлы!
— Эштерек!
— Шуҡ-шуҡ!
Һин артыҡ
Шуҡ, шуҡ! Яулыҡты,
халатты,жилетты
ҡырҡаһың.
— Эштерек!
— Шуҡ-шуҡ,
Нимәнән һуң әле
Ҡурҡаһың?!
— Эштерек!
— Шуҡ-шуҡ!
Тәкәббер!
Ете ҡат үлсә,
Киҫ тик бер!
Ҡолаҡ һалсы,
әхирәт,
Буйға – буй,
Рәткә – рәт!
Ҡырҡтылар ҙа бөттөләр,
Эште харап иттеләр.
— Аһ! Нишләнең һин бына!
— Нимә һуң ҡала ғына?
Бер-берең ҡолағына
Күпме туҡы, туҡыма,
Нотоҡ уҡы, уҡыма –
Тураҡланды туҡыма!
Булһалар ҙа әхирәттәр
Үҙе шәп,
Үҙе шуҡ –
Киҫергә, бесергә хәҙер
Һис ни юҡ!
Дуҫтар! Ҡайсы-әхирәттәр, Яңы йыл костюмы өсөн өлгөләр ҡырҡабыҙ, тип, туҡыманы яңылыш ҡырҡып бөткән дә ҡуйған! Нимә эшләйбеҙ? Ә-ә-ә, шыршы байрамына тәтәйҙәр яһайбыҙ! Ур-ра!
Душан ДЖУРИШИЧ
Тамара ИСКӘНДӘРИӘ тәржемәһе.
Рәссам Азамат ҒАРИПОВ
[xfgiven_images]
[xfvalue_images]
[/xfgiven_images]
Похожие новости
{related-news}[/related-news]