ИСЕМ ТУЙЫ

Баҫылды : 4-01-2018, 08:34 | Категория: Йолалар / Бәпембә

Просмотров 810

"Аҡбуҙат"та баҫылған:12-2017

Рубрика:Йолалар / Бәпембә

Исеме:ИСЕМ ТУЙЫ

Автор:Мансур ҠАҘАҠАЕВ

Район:Өфө

Ауыл:Шамонин

Рәссам:

ИСЕМ ТУЙЫ
Өфө районы Шамонин ауылының «Ысыҡҡай» балалар баҡсаһында «Исем туйы» фольклор байрамы уҙҙы. Был сараға райондың мәктәпкә тиклемге белем биреү ойошмаларынан тәжрибә уртаҡлашырға ла килгәйнеләр.
Сәңгелдәк йыры яңғырай. Бишектә бәпес йоҡлай. Ишеккә туҡылдаталар. Бәпес ҡотлап килгәндәр икән дә һә! Бына мулла килеп инә һәм балаға исем ҡуша.
Баҡсаның «Аҡбуҙат» һәм башҡа төркөмдәрендә тәрбиәләнгән балалар халҡыбыҙҙың яңы тыуған сабыйға исем туйлау йолаһын бик тасуирлап күрһәтте.

Йоланы әҙерләп күрһәтеүгә өлкән тәрбиәсе Миңзәлә Рәсүл ҡыҙы Ғәйнуллина, «Аҡбуҙат» төркөмөнөң тәрбиәселәре Гөлнара Ғәдән ҡыҙы Әминова менән Әлфирә Ғәбделбарый ҡыҙы Вәхитова, музыкаль етәкселәр Илүзә Мирхәт ҡыҙы Аллаярова һәм Фәриҙә Илтуҙар ҡыҙы Аҫылғужиналар бик күп көс һалған.

Әйткәндәй, «Ысыҡҡай» ( «Росинка») балалар баҡсаһы рус телле булып һаналыуына ҡарамаҫтан, унда башҡорт телле бер төркөм эшләп килә һәм киләсәктә, ата-әсәләрҙең ғаризалар һаны тулыу менән, икенсеһен дә асыу күҙ уңында тотола, ти балалар баҡсаһының мөдире Марина Николаевна Храмова.