Кескәй күҙәнәк көсө
Баҫылды : 30-01-2018, 11:11 | Категория: Тылсымлы һандыҡ / Минең ғаиләм
Просмотров 1 098
- "Аҡбуҙат"та баҫылған:01-2018
- Рубрика:Тылсымлы һандыҡ / Минең ғаиләм
- Исеме:Кескәй күҙәнәк көсө
- Район:
- Ауыл:
- Рәссам:
Бер ваҡыт Рамаҙан улым биш йәшендә саҡта балалар энциклопедияһын уҡып ултырҙы ла:
— Ерҙәге тормош бер бәләкәй генә күҙәнәктән барлыҡҡа килгән икән дә ул! — тип ҡуйҙы.
Кескәй баланың шундай ҙур төшөнсәләр тураһында баш ватыуына аптырап:
— Эйе, улым, бәләкәй генә булһа ла, шулай ҡыйыу, батыр булған инде ул күҙәнәк! – тинем уға.
Башҡортостанда Ғаилә йылы иғлан ителде. Ә ғаилә – йәмғиәттең бер күҙәнәге. Сабый күңеле ғаиләлә нығына. Рухлы, көслө ихтыярлы, үҙ һүҙен ҡыйыу әйтеүсән, аҡыллы һәм итәғәтле булып үҫеү өсөн йыш ҡына ҡыйыулыҡ та талап ителә.
Сабыйҙарҙы, батыр түгел, тип әйтеп ҡара! Өр- яңы донъя асалар бит улар үҙҙәре өсөн.
Башҡортостандың халыҡ яҙыусыһы Зәйнәб Биишева ла көслө ихтыярлыларҙы яратты. «Мин әҫәрҙәремдә халҡыма һәйкәл ҡойҙом, — тине ул миңә бер әңгәмәһендә. – Батыр йөрәкле, ҡаһарман рухлы булығыҙ, балалар!»
Оло әҙибәнең һүҙҙәренә беҙ ҙә ҡушылабыҙ. Һәр ғаиләгә бөтөнлөк теләйбеҙ. Һәр сабыйға – тәүфиҡ, яңы асыштар!
Тамара ИСКӘНДӘРИӘ-ЮЛДАШЕВА, баш мөхәррир.
(голосов:0)
Оҡшаш материал
{related-news}
Комментарийҙар