Ҡышлаусы ҡоштар

[rating-type-4]{likes} {dislikes} [/rating-type-4]

Ғәзиз менән мәктәптә уҡыусы Кәрим ағаһы балалар баҡсаһынан ҡайтып килә. Ҡапыл өйҙәр араһындағы ағаслыҡта һайыҫҡан шыҡырыҡлап осоп китә.

Ғәзиз: Ағай, ҡара, ниндәй ҡош ул?

Кәрим: Һайыҫҡан бит.

Ғәзиз: Тышта һыуыҡ, ул өшөмәй микән? Нишләп йылы яҡҡа осмаған?

Кәрим: Башҡа күп кенә ҡоштар кеүек, һайыҫҡан да ҡышын тыуған яҡты ташлап китмәй. Ҡышлаусы ҡоштар улар.

Ғәзиз: Ә тағы ниндәй ҡышлаусы ҡоштар бар һуң?

Кәрим: Турғай, ҡарабаш турғай, күгәрсен кешеләргә яҡын йәшәй. Төрлө орлоҡтар, бөжәктәр менән туҡлана.

Ғәзиз: Шул ҡоштар ғынамы ни?

Кәрим: Юҡ. Тағы ла ҡыҙылтүш, өкө,ала ҡарға, тумыртҡа, һуйыр, сел дә йылы яҡҡа осмай. Тик уларға ҡыш көнө аҙыҡ табыуы ауырлаша.

Ғәзиз: Беҙ ҡоштарға ярҙам итә алабыҙмы, ағай?

Кәрим: Эйе. Оя ҡороп, тағараҡтар эшләп.

Ғәзиз: Әйҙә, улайһа, өйгә ҡайтҡас тағараҡ яһап ҡуяйыҡ та, ем һалайыҡ!

Кәрим: Ҡоштар беҙгә рәхмәт әйтер!

Рубриканы Миңлегөл ТАЙСИНА алып бара.

Рәссам Лиана НИҒМӘТЙӘНОВА

[xfgiven_images]

[xfvalue_images]

[/xfgiven_images]

[related-news]