НИМӘ УЛ ЭҘМӘ - ЭҘЛЕЛЕК?
Баҫылды : 16-02-2018, 12:18 | Категория: Тылсымлы һандыҡ / Фәстереү
Просмотров 615
- "Аҡбуҙат"та баҫылған:02-2018
- Рубрика:Тылсымлы һандыҡ / Фәстереү
- Исеме:НИМӘ УЛ ЭҘМӘ - ЭҘЛЕЛЕК?
- Автор:Юнир САЛАУАТОВ
- Район:
- Ауыл:
- Рәссам:Азамат ҒАРИПОВ
Балалар баҡсаға килгәс тә, ниндәй хәрефте, һанды уҡырға өйрәнеүҙәре, һүрәт ҡарауҙары хаҡында фекер алыша башлайҙар. Телевизорҙан ишеткән яңы
һүҙҙәр хаҡында бәхәсләшәләр.
— Кемегеҙ белә, нимә була икән ул «эҙмә- эҙлелек»? – тип һораны Сәмирә. Балалар, тынып, бер-береһенән яуап көттө. Буранбай алға сыҡты ла:
— Был һорауға мин яуап бирәм. Беҙ уйнаған кубиктарға төрлө һүрәт киҫәктәре төшөрөлгән. Уларҙы йыйып үҙебеҙ аңлаған тулы һүрәтте килтереп сығарабыҙ – был беҙҙең эҙмәэҙлелекте аңлауыбыҙ була. Ә бына эҙмә-эҙлелекте аңламаған Ялҡаубай, мунсала йыуынғас, курткаһы тышынан майкаһын кейгән. Ауылға олатаһына ҡунаҡҡа ҡайтҡас, арбаға атты арты менән егергә тырышҡан. Хәҙер эҙмә-эҙлелектең нимә икәнен аңланығыҙмы?
Аңлаһағыҙ, үҙегеҙ миҫалдар килтерегеҙ, – тине.
— Ҡоштар ҡыш көнө бала осормай, сөнки һалҡын. Яҙ етеп оя сығарғас, көндәр йылынғас ҡына осоралар,— тине Гөлсирә.
— Беҙ иң тәүҙә коляскала ятабыҙ, һөт имәбеҙ, унан йәслегә, баҡсаға киләбеҙ, мәктәпкә уҡырға барабыҙ, тамамлайбыҙ, институтҡа уҡырға инәбеҙ, – тине Айрат.
— Унан һуң Айратҡа мыйыҡ үҫә, – тине ҡыҙҙар хихылдап.
Юнир САЛАУАТОВ
Рәссам Азамат ҒАРИПОВ
(голосов:0)
Оҡшаш материал
{related-news}
Комментарийҙар