Рәссам
Просмотров 653
- "Аҡбуҙат"та баҫылған:02-2018
- Рубрика:Журнал хеҙмәткәрҙәре / Авторҙар / Шиғырҙар
- Исеме:Рәссам
- Автор:Зөбәйҙә Исламова
- Район:
- Ауыл:
- Рәссам:
Рәссам/Зөбәйҙә Исламова
Оҫта ҡуллы рәссам килеп
Ижад итә тәҙрәлә.
Ебәк кенә семәрҙәре,
Гүйә, төшкән пәрҙәгә.
Һүрәттәрен алмаштырып
Тау-урмандары тыуа,
Йә булмаһа, аҡ яланда
Ҙур ҡала эшләп ҡуя.
Күңелләнеп, һыҙғырып та,
Ел менән уйнап ала.
Юйылмаҫҡа һүрәтенә
Һалҡын тын өрә һала.
Күҙ асып йомған арала
Тәҙрәләге быяла
Әйләнә бер ҙур пейзажға,
Күргән уға таң ҡала.
Бына шулай Һыуыҡ бабай
Ижадына юл тапҡан.
Һәр бер өйҙөң тәҙрәһендә
Күргәҙмә залы асҡан.
02-2018
(голосов:0)
Оҡшаш материал
{related-news}
Комментарийҙар
© 2011 Все права защищены.
При копировании материалов, активная ссылка на сайт обязательна.
АКБУЗАТ ОНЛАЙН
