СӘКӘН ҺУҒА МАЛАЙҘАР
Просмотров 738
- "Аҡбуҙат"та баҫылған:02-2018
- Рубрика:Журнал хеҙмәткәрҙәре / Авторҙар / Шиғырҙар
- Исеме:СӘКӘН ҺУҒА МАЛАЙҘАР
- Автор:Зөбәйҙә Исламова
- Район:
- Ауыл:
- Рәссам:
СӘКӘН ҺУҒА МАЛАЙҘАР
Бишмәт, бүрек, бейәләйҙәр,
Аяҡта — төплө быйма.
«Ут» малайҙар сәкән һуға,
Йылғала туңған быуа.
Бер-береһен этеп-төртөп
Уйнайҙар янып-бешеп.
Ҡыҙарышҡан бит-танауҙар,
Тормайҙар һис тә өшөп.
Инде ҡояш күптән батҡан,
Уйын ҡыҙғандан-ҡыҙа.
Нишләп икән ҡышҡы көндөң
Сәғәте шулай ҡыҫҡа?
Ә малайҙар һис бошонмай,
Ай яҡтыһына риза.
Бик көттөргән тәүге шайба
Ҡапҡа төбөнә уҙа.
Шатлыҡтары «эскә һыймай»,
Бүректәр оса күккә.
Еңелгәндәр бирешмәйҙәр,
Отолмағандар — күпкә!
Таң аттырып көн еткәнен,
Эй, көтәләр малайҙар.
Төштәрендә лә сәкәндән
Айырыла алмайҙар
Зөбәйҙә Исламова
(голосов:0)
Оҡшаш материал
{related-news}
Комментарийҙар