Исем

Исем

 Ялға туҡтаған пассажирҙарҙы бәләкәй генә аҡланда бер көсөк ҡаршыланы. Хужаһынан айырылып ҡалғандыр, ахыры. Һәр береһен еҫкәй, йәлләтеп сыйылдай. Бер ҡатын уны төрлөсә әүрәтеп маташты, эйәләштерергә теләне. Әммә көсөк икенсе кешеләргә һырылды... Бер егет тә һыйпап ҡарарға булғайны — тотторманы. Кемдер Шарик тип, икенсе берәү Тузик тип саҡырҙы — әйләнеп тә ҡараманы көтөй.

Бер малай, Джульбарс тип наҙлап маһмайлағайны, көсөгөбөҙ яйлап уға яҡынлашты һәм эргәһенән китмәҫ булды. Ә малай уға теленә килгән исемде генә әйткәйне. Эттең этенә ҡәҙерле икән дәһә исем. Кешегә лә исемен-фамилияһын боҙоп йә ҡыҫҡартып әйтеү килешмәй. Ныҡ танышың йәки дуҫың булмаһа...