Өләсәйендең исеме кем?

Тау-ташлы юлдан орсоҡтай малай йәйәү һыпырта ғына:

— Ҡайҙа бараһың, ҡустым?

— Утарға.

— Егет икәнһең! Әйҙә, ултыр эргәмә.

— Белдем, — тине малай менгәс. — Һеҙ һайлау үткәрергә китеп бараһығыҙ!

— Нәҡ шулай! Ә һин, ҡурҡмайынса, ниңә юлға сыҡтың?

— Өләсәйемә китеп барам.

— Кем һуң өләсәйең? — Малай менән мәрәкәсел әңгәмәгә мин дә ҡушылдым.

— Өләсәй инде...

— Исеме кем һуң?

— Өләсәй була! — тине малай ҡаты ғына.

Бәй, ә мин һуң бәләкәй сағымда өләсәйҙәремә исемләп өндәшә инемме ни? 

Кескәй дуҫым, ә һин өләсәйеңә нисек өндәшәһең? Беләһеңме уның исемен? 

Сабир ШӘРИПОВ