Әүһәләй / Рәшиҙә Шәмсетдинова

Баҫылды : 11-09-2013, 10:04 | Категория: Алтын бишек / Тыуған илем

Просмотров 1 238

"Аҡбуҙат"та баҫылған:№, йыл

Рубрика:Алтын бишек / Тыуған илем

Исеме:Әүһәләй

Автор:Рәшиҙә Шәмсетдинова

Район:

Ауыл:

Рәссам:

Атай яһағас

Бик шәп әүһәләй.

Хәҙер ул беҙҙе

Күккә әйҙәләй.

Етеҙ атына

Хәлил, Флүр, Марат.

Осалар, гүйә,

Йондоҙға ҡарап.

Бәләкәс ҡыҙҙар

Ҡарап торалар.

Ҡурҡыштарынан

Ҡысҡырышалар.

Әүһәләйебеҙ

Өлкәндәр өсөн.

Осҡандар ғына

Күрһәтә көсөн.

Минең атайым

Булмаһа әгәр,

Еталмаҫ инек

Беҙ айға ҡәҙәр.