Тәмлетамаҡтар иле

Тәмлетамаҡтар иле

Барҙыр бит һуң Ер йөҙөндә

Тәмлетамаҡтар иле?

Тәмле-татлы ашап-эсеп

Йөрөр ине Ханғәле!

Ағастарҙа үҫә ҡалас,

Аға лимонадтары —

Кәнфит ашап өлгөрөргә

Ауыҙыңды ас бары!

Ләкин тәмлетамаҡтарҙың

Һәпрә икән бөтәһе:

Таҙалыҡ юҡ, бөхтәлек юҡ —

Уларҙан ни көтәһе?

Мәктәптә ялҡауҙар йөрөй,

Уҡымауҙа ярыша.

Яҡшы билдә алмаҫ өсөн

Тиҫкәреләр тырыша.

Эй йүгереп барыр ине,

Төшөп алып иң алдан —

Ханғәле белә шул инде:

Был ил — бары тик ялған.

Душан ДЖУРИШИЧ шиғырҙарын ҡаратаулы теленән башҡортсаға Тамара ИСКӘНДӘРИӘ