Ер һәм Ҡояш тураһында әкиәт
amira 10-04-2018, 11:21 1 724 Тәбиғәт 2013/2014 / Әкиәттәр / Тыуған илемЕр һәм Ҡояш тураһында әкиәт
Беҙ йәшәгән планета Ер тип атала. Ул шарға оҡшаған. Диңгеҙ, океандар — зәңгәр, ә ҡоро ерҙәре — төрлө төҫтәрҙә.
Элек-электән Ер үҙенә ҡарап һоҡланырға яратҡан. Бер көндө ул Ҡояшҡа күренеп, маҡтанып алырға булған. Ҡояш үҙе лә бик яҡты һәм ҙур шар һымаҡ икән.
— Ҡара әле, Ҡояшҡай, мин ниндәй матурмын! — тигән Ер.
— Эйе, матурһың шул! Икенсе яғыңа әйлән әле!
Ер бер тапҡыр әйләнгәс, Ҡояш уға яҡтыртҡан да, икенсе яғына әйләнеүен һораған. Шулай итеп, Ер әйләнгән дә әйләнгән. Ҡояшҡа ҡарап торған яғында — көн, кирегә боролған яғында — төн икән. Тағы ла боролһа, ул яҡта —төн, ә Ҡояшлы яҡта — көн, ти. Көн менән төндөң алмашыныуы ла Ерҙең үҙ күсәрендә әйләнеүенә бәйле.
Ер үҙе — Ҡояш системаһындағы 3-сө планета. Башҡа планеталарҙан айырмалы рәүештә, Ерҙә генә тереклек бар. Ай — уның тоғро юлдашы. Юпитер — иң ҙур, ә Плутон — иң бәләкәй планета. Ҡояш бик эҫе, ҡайнар булһа, Марста ныҡ һыуыҡ, һалҡын.
Текст буйынса эш.
Балалар, башҡорт телендә ҡапма-ҡаршы һәм бер үк мәғәнәле һүҙҙәр күп. Мәҫәлән, көн, төн һүҙҙәре— антонимдар. Ә һыуыҡ, һалҡын — синонимдар.
Әкиәтте уҡып сығығыҙ ҙа шундай һүҙҙәрҙе табығыҙ!
Рубриканы Миңлегөл ТАЙСИНА алып бара.
Рәссам Лиана НИҒМӘТЙӘНОВА
[xfgiven_images]Похожие новости
{related-news}[/related-news]