Иртән
Просмотров 754
- "Аҡбуҙат"та баҫылған:05-2018
- Рубрика:Авторҙар / Тәбиғәт 2013/2014 / Шиғырҙар
- Исеме:Иртән
- Автор:Ринат Сөләймәнов
- Район:
- Ауыл:
- Рәссам:Ирина ӘХМӘҘУЛЛИНА
Иртән
Әтәс көйләй: «Ки-ки-ри-күк!» –
Тора һалам һикереп үк.
Тауыҡтар көлә: «Ҡыт-ҡыт!» –
«Күптән торорға ваҡыт».
Елкенеп ҡуя үлән:
«Һалҡын ысығым менән
Күҙҙәреңде ыуала.
Ҡара, өйрәктәр күптән
Сайыналар быуала».
Көн нурҙары тауҙарҙың
Тарай томан-толомон.
Кинәнеп һайрай былбыл:
«Мин үҙем таң ҡоломон».
Сәскәнән сәскәләргә
Ҡунып оса күбәләк.
Шатлыҡ бөркә тирә-яҡ,
Донъя шундай түңәрәк.
Ринат Сөләймәнов
Рәссам Ирина ӘХМӘҘУЛЛИНА
(голосов:0)
Оҡшаш материал
{related-news}
Комментарийҙар