Нәнәйем

Нәнәйем

Минең ғәзиз нәнәйем бар,
Ул матур, сабыр, уңған.
Мәктәптән ҡайтыуыма,
Өҫтәлгә мәмәй тулған.

Хәрефтәрҙе ҡабат-ҡабат
Миңә уҡып көйләгән.
Төрлө-төрлө әкиәттәр,
Йоҡлаһын, тип һөйләгән.

Оҫта итеп ҡул эшенең
Өйрәтә ул серҙәрен.
Күҙәтәмен эргәһендә
Иҫтә тотоп һәр һүҙен.

Яратамын нәнәйемде,
Күркәм булһын ғүмере.
Тыныслыҡта, ҡыуаныста,
Уҙһын уның һәр көнө!

Элина ХАЖИХАНОВА.
«Йәш журналистар» берекмәһе, Борай балалар ижад йорто. Борай районы.

07-2018 [xfgiven_images] [/xfgiven_images]