Уңыш байрамы/ Гөлнара ХӘЛФЕТДИНОВА

Баҫылды : 12-09-2013, 09:45 | Категория: Байрамдар / Көҙ

Просмотров 1 666

"Аҡбуҙат"та баҫылған:09-2013

Рубрика:Байрамдар / Көҙ

Исеме:Уңыш байрамы

Автор:Гөлнара ХӘЛФЕТДИНОВА

Район:

Ауыл:

Рәссам:Майя ЗЫЯИ

Бына ниндәй ҙур ҡауындар,
Бына ниндәй ҡабаҡтар.
Ана, ҡыяр, помиҙурҙар,
Тулып ята табаҡта.

Ҡыуанабыҙ күмәкләшеп,
Уңыш быйыл мул ғына.
Ҙур уңыш алыуҙың сере —
Тырыш хеҙмәт, шул ғына.

Яҙҙан алып ҡаҙҙыҡ, сәстек,
Һыу ташыныҡ баҡсаға.
Барын үҙебеҙ үҫтерҙек,
Алынмаған аҡсаға.

Сөгөлдөрҙө тәгәрмәсләп,
Кишерҙе оҙонсалап,
Тағы йәшелсәләр турап
Эшләнек төрлө салат.