"Аҡбуҙат" журналы "Рәсәйҙең биш иң яҡшы милли баҫмаһы"

Дуҫтар! "Аҡбуҙат" журналы "Рәсәйҙең биш иң яҡшы милли баҫмаһы" тип аталған Бөтә Рәсәй конкурсында еңеү яуланы!!! "Рәсәйҙә балалар өсөн иң яҡшы милли баҫма" тип танылды! Журналыбыҙ уҡыусыларын, уны яратҡан барлыҡ балаларҙы, коллегаларҙы ҡотлайым!
 Журналыбыҙҙың милли йөҙө, халҡыбыҙ өсөн башҡарған ҙур хеҙмәте хаҡында үҙ фекерен белдергән Дәүләт Думаһы депутаты Зөһрә Йыһанур ҡыҙы Рәхмәтуллина, күренекле яҙыусы, ил инәһе, данлыҡлы "Арғымаҡ" китабы һәм дәреслектәр авторы Мәрйәм апай Бураҡаева, күренекле яҙыусы, тәржемәсе, Һәҙиә Дәүләтшина премияһы лауреаты Гүзәл апай Ситдиҡова, талантлы рәссамыбыҙ, Ш. Бабич премияһы лауреаты Сулпан Билаловаға рәхмәтебеҙ ҙур!