Республика байрамы

Беҙҙең баҡсала Республика көнө йыл да Башҡортостан гимны менән башлана. Балалар сағыу милли кейемдәрҙә байраҡ төҫтәренә биҙәлгән бүлмәгә ашыға. Бөгөн улар республика буйлап сәйәхәт итә – «Яратам һине, Башҡортостан!» тигән викторинала ҡатнаша. Етмәһә, йылғалар, тауҙар, күлдәр тураһында шиғырҙар, йырҙар әҙерләп килгәндәр.

Баҡсаһында һәр үләнде ҡәҙерләп үҫтергән ысын баҡсасылар һымаҡ, Тыуған илгә һөйөү, изгелек, яҡшылыҡ орлоҡтарын кескәйҙәр күңеленә сәсеүсе Зөлфиә Минислам ҡыҙы Ҡотлобаева, Резида Мөхтәр ҡыҙы Әминева, Илүзә Ғәзимйән ҡыҙы Хәмиҙуллина Ҡәҙриә Факил ҡыҙы Мирхәйҙәрова балаларҙы ихлас тәрбиәләй.

Һоҡланғыс милли бейеүҙәр өйрәнеү аша дуҫлыҡ ептәре нығына, балалар оло шәхес булып үҫергә ынтыла.