Шишмә/Әлфис ҒАЯЗОВ

Баҫылды : 17-07-2012, 16:59 | Категория: Алтын бишек / Тыуған илем

Просмотров 1 231

"Аҡбуҙат"та баҫылған:

Рубрика:Алтын бишек / Тыуған илем

Исеме:

Автор:

Район:

Ауыл:

Рәссам:

Беҙҙең баҡсабыҙ артында
Ҡарап ҡояш яғына,
Урғылып бер шишмә аҡҡан,
Хәҙер — аға тын ғына.

Тын ғына аҡмаҫ ине лә,
Уны ҡом күмеп киткән.
Шишмә ошо ләмде йырып
Сыға алмай шул икән!

Изге була, ти өләсәй,
Шишмә көньяҡҡа аҡһа,
Нисек шәп булыр ине лә,
Берәү уны таҙартһа...

... Кисә урам малайҙары
Бысраҡҡа батып ҡайттыҡ:
Ҡулыбыҙға көрәк алып
Уның юлын таҙарттыҡ.

Күҙәнәктәре асылды,
Киңәйҙе ағыр юлы,
Шишмәбеҙ шуны көткәндәй,
Аға хәҙер урғылып!