Уҡырға барғым килә

Баҫылды : 1-08-2018, 18:55 | Категория: 1 сентябрь / Минең ғаиләм

Просмотров 612

"Аҡбуҙат"та баҫылған:08-2018

Рубрика:1 сентябрь / Минең ғаиләм

Исеме:Уҡырға барғым килә

Автор:Миңлегөл Тайсина

Район:

Ауыл:

Рәссам:

Уҡырға барғым килә/Миңлегөл Тайсина

Теләгемде белгән кеүек,
Ҡояш та ихлас көлә.
Апайҙар һымаҡ, минең дә
Уҡырға барғым килә!
Алты йәшем тулды күптән,
Ҙур ағай булдым үҙем.
Йығылһам да, иламайым,
Мин бит сыҙамлы, түҙем!
Хәрефтәрҙе лә өйрәндем,
Һандарҙы ла беләмен.
Алам, ҡушам, ҡабатлайым,
Барыһын да бүләмен!
Түҙемһеҙләнеп көтәм шул
Яҡты белем байрамын.
Сәскә тотоп, мәктәбемә
Мин уҡырға барамын!

08-2018