ЕР СЕРЕМ ИТӘ/Тимер ЙОСОПОВ

Баҫылды : 13-09-2013, 11:43 | Категория: Алтын бишек / Тыуған илем

Просмотров 1 545

"Аҡбуҙат"та баҫылған:05-2013

Рубрика:Алтын бишек / Тыуған илем

Исеме:ЕР СЕРЕМ ИТӘ

Автор:Тимер ЙОСОПОВ

Район:

Ауыл:

Рәссам:Ирина Әхмәҙуллина

Ҡарпайғанмы һуң

Төндөң ҡолағы?

Төтөн тәгәрәй, —

Әсәм йомғағы.

Төн ниңә һиҙгер,

Ниңә ойомай?

Ғәләм түрендә

Йондоҙ йомолмай.

Йондоҙ — бал ҡорто,

Белмәй аяуын,

Ҡаҙай еремә

Нурлы ҡаяуын.

Төн нисек оҙон,

Бармы һуң сиге?

Офоғом балҡыр —

Йыһан ишеге.

Айҙың нуры ла

Керпекте өтә.

Ер серем итә,

Төн имен үтә.