Әсәйемә бүләк

Баҫылды : 1-11-2018, 14:59 | Категория: 8 март / Минең ғаиләм

Просмотров 588

"Аҡбуҙат"та баҫылған:11-2018

Рубрика:8 март / Минең ғаиләм

Исеме:Әсәйемә бүләк

Автор:Наилә ХӘМБӘЛИЕВА

Район:

Ауыл:

Рәссам:Майя Зыяи

Әсәйемә бүләк/Наилә ХӘМБӘЛИЕВА

Әсәйемдең бөгөн тыуған көнө.
Нимә генә бүләк итәйем?
Бөхтә итеп өйҙө йыйыштырып,
Эштән ҡайтыуҙарын көтәйем.
Ҡырға барып сәскә өҙөп алам,
Хуш еҫ бөрккән теҙәм гөлләмә.
Бүләккә, тип матур һүрәт эшләп,
Ҡуйып торам әле бүлмәмә.
Эштән ҡайтыу менән күрер ҙә ул,
Бик ҡыуаныр минең бүләккә.
Ҡыҙым минең, аҡыллым бит, тиеп
Риза булыр минең теләккә.