Йәй

Баҫылды : 2-01-2019, 16:35 | Категория: Йыл миҙгелдәре / Йәй

Просмотров 569

"Аҡбуҙат"та баҫылған:12-2018

Рубрика:Йыл миҙгелдәре / Йәй

Исеме:Йәй

Автор:Рауил Бикбай

Район:

Ауыл:

Рәссам:Ирина ӘХМӘҘУЛЛИНА

Йәй/Рауил Бикбай

Сыйырсыҡ бала осорҙо,
Тынып ҡалды оялар.
Бал ҡорттары, тынғы
белмәй,
Сәскәнән бал йыялар.
Ямғырҙары йәйҙең йылы,
Еләктәре ҡып-ҡыҙыл.
Ҡыҙарып сыҡҡан ҡояшы
Байығанда ла ҡыҙыу.
Олоға ла, кесегә лә
Етерлек йәйҙең эше.
Алма беш, ауыҙға төш, тип,
Торормо ҡарап кеше.
Туҡ башаҡтары сайҡалып,
Тулҡынлана туҡ дала.
Ауыл осонда балалар
Көтөүҙе ҡаршы ала.
Һәүкәштәр ҡайтыр ваҡытта
Балалар һәр саҡ уяу.
Тик көтөү ҡыуғанда, улар
Йоҡлап ҡала ла ҡуя.

Рәссам Ирина ӘХМӘҘУЛЛИНА
12-2018